Այսու Թեհրանի Հայոց Թեմի մեր հաւատացեալ ժողովրդին յայտնում ենք, որ շաբաթ 4 փետրւար 2023-ին Ս. Սարգիս Զօրավարի եւ իր որդուն՝ Մարտիրոսի տօնն է: Յայտնենք, որ Ս. Սարգիս Զօրավարի տօնը համընկնում է Ս. Սարգիս Առաջնորդանիստ մայր եկեղեցու անւանակոչութեան տօնին:

Այս տարի՝ 2023-ը զուգադիպում է եկեղեցուս օծման 50-ամեակին։

Այս օրերին, մի անգամ եւս, սեւ մութ ամպեր են կուտակւել հայոց աշխարհի եւ նրանից անբաժան հայկական լեռնաշխարհի՝ հայոց արծւաբոյնը համարւող ԱՐՑԱԽի շուրջ։ Արցախը պանթէոնն է յաւերժաբոյր քաջամարտիկ նահատակների, այլեւ խորհրդանիշը մեր ժողովրդի ազատագրական սուրբ եւ արդար պայքարի։

Այսօր Արցախը իր վիրաւոր վիճակով արիւնարբու թշնամու յաճախակի սադրանքներին է ենթակայ. մի նենգ ու ոճրագործ թշնամի, որ անմարդկային ու սադայէլական ամէն միջոցի է դիմում Արցախն ու Արցախցին ընկճելու եւ իր իշխանութեան ենթարկելու։ Սակայն նա մոռանում է, որ Արցախը ինչպէս անցեալում նոյնպէս եւ ներկայիս հաւատարիմ իր ազգային պայքարի ոգուն, կայ իբրեւ մկրտարան ու բրոբատիկէի աւազան, որի մէջ մտնել-ելնելով իւրաքանչիւր հայ աւելի է հայանում ու բիւրեղանում իր ազգային եւ ինքնուրոյնութեան տւեալներով, որով եւ աւելի եւս հերոսանում ու արիանում։

Մարդասիրական կեցւածքն ու իրարօգնութիւնը հայ հասարակութեան մէջ անծանօթ երեւոյթ չէ, յատկապէս ներկայ տնտեսական մտահոգիչ զարգացումները, որոնք անելային կացութեան են մատնել համեստ օրապահիկով ապրող ընտանիքներին:

Այս լոյսի ներքոյ Թ.Հ.Թ. Կարիքաւորներին Օժանդակող Մարմինը ոչ մի ջանք չխնայելով եւ բարեսիրական բնագաւառում ամենօրեայ ակտիւ աշխատանքով շարունակում է իր ծառայութիւնն ի նպաստ համայնքիս կարիքաւոր ընտանիքների:

Արցախի պաշտպանութիւնը համահայկական անյետաձգելի հրամայական է այսօր. վաղը կրնայ ո՜ւշ ըլլալ:

Արցախի հայութիւնը ինքնորոշման իր հաւաքական կամքը բազմիցս արտայայտած է:

Արցախի հայութեան ինքնորոշման իրաւունքի պաշտպանութիւնը ու անոր ընկերատնտեսական բարօրութեան օժանդակութիւնը իւրաքանչիւր հայու եւ համայն հայութեան նուիրական պարտքն է:

Զօրաշարժի պէտք է ենթարկել մեր ժողովուրդի զաւակները, ի խնդիր Արցախի փրկութեան:

Այսու յայտարարում ենք Թեհրանի թեմի մեր ժողովրդի զաւակներին, որ ուրբաթ թւականիս յունւարի 27-ին՝ Ս. Սարգիս, Սրբոց Թարգմանչաց, Ս. Գրիգոր Լուսաւորիչ եւ Սրբոց Վարդանանց եկեղեցիներում եւ կիրակի թւականիս յունւարի 29-ին՝ Ս. Աստւածածին, Ս. Մինաս եւ Ս. Գէորգ եկեղեցիներում ընթերցւելու է վեհափառ Հայրապետ՝ Ն.Ս.Օ.Տ.Տ. Արամ Ա. կաթողիկոսի այս տարւայ հռչակագիրը նւիրւած Սփիւռքին՝ «Սփիւռքի տարի» Բ. (ինքնաքննութիւնից՝ վերակազմակերպում)։

Հրաւիրում ենք մեր ժողովրդի զաւակներին ներկայ գտնւելու Ս. պատարագին, լսելու եւ հաղորդւելու Վեհափառ Հայրապետի մտածումներին։

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Ամանորեայ եւ Ս. Ծննդեան տօների առիթով, երեքշաբթի, թւականիս յունւարի 3-ին, Թեհրանի Կրթադաստիարակչութեան 6-րդ շրջանի նորանշանակ տնօրէն դոկտ. Համիդ Զիափուրը, տարր. օղակի Ուսումնական հարցերով տեղակալ՝ տկն. Սամադին, Դաստիրակչական հարցերով տեղակալ՝ տկն. Ֆաքուրին եւ Հանրային կապի պատասխանատու՝ տկն. Մոբինին այցելեցին Ազգ. Առաջնորդարան եւ հանդիպում ունեցան Թեմիս Առաջնորդ գերշ. Տ. Սեպուհ Ս. Արք. Սարգսեանի հետ:

Ամանորեայ եւ Ս. Ծննդեան տօների առիթով, երեքշաբթի, թւականիս յունւարի 3-ին, Թեհրանի 6-րդ շրջանի քաղաքապետ Ճրտգ. Ռեզա Մոհամմադին եւ իրեն ընկերակցող պատւիրակութիւնը այցելեցին Ազգ. Առաջնորդարան եւ հանդիպում ունեցան Թեմիս Առաջնորդ գերշ. Տ. Սեպուհ Ս. Արք. Սարգսեանի հետ։

ԿԱԹՈՂԻԿՈՍՈՒԹԻՒՆ ՀԱՅՈՑ ՄԵԾԻ ՏԱՆՆ ԿԻԼԻԿԻՈՅ

ՍՓԻՒՌՔԻ ՏԱՐԻ
(Բ)
ԻՆՔՆԱՔՆՆՈՒԹԻՒՆԻՑ՝ ՎԵՐԱԿԱԶՄԱԿԵՐՊՈՒՄ
2023

Պ Ա Տ Գ Ա Մ
Ն.Ս.Օ.Տ.Տ. ԱՐԱՄ Ա ԿԱԹՈՂԻԿՈՍԻ
ՄԵԾԻ ՏԱՆՆ ԿԻԼԻԿԻՈՅ

ԱՆԹԻԼԻԱՍ
ԱՐԱՄ Ա ԿԱԹՈՂԻԿՈՍ
ՄԵԾԻ ՏԱՆՆ ԿԻԼԻԿԻՈՅ

Մեծի Տանն Կիլիկիոյ կաթողիկոսութեան
Թեմակալ առաջնորդներին,
հոգեւոր դասին,
Ազգային իշխանութեանց եւ
մեր ժողովրդի զաւակներին

2023 տարւայ սեմին, Մեծի Տանն Կիլիկիոյ կաթողիկոսութեան Անթիլիասի Մայրավանքից քրիստոնէական սիրով ու հայրապետական օրհնութեամբ ողջունում ենք ազգային Ընդհանուր ժողովին, ազգային Կենտրոնական վարչութեան Կրօնական ու քաղաքական ժողովներին, Միաբանութեանը, Թեմակալ առաջնորդներին ու ազգային իշխանութիւններին, մեր կեանքում գործող քաղաքական, կրթական, մշակութային, բարեսիրական եւ համայնքային միութիւններին ու կազմակերպութիւններին, ինչպէս նաեւ մեր ժողովրդի սիրելի զաւակներին։ Աղօթում ենք առ Բարձրեալն Աստւած, որ բացւող Նոր տարին մեր անհատական, ընտանեկան եւ ազգային կեանքում լցւի առողջութեան, յաջողութեան եւ երջանկութեան երկնային բարիքներով։

Ամանորեայ եւ Ս. Ծննդեան տօների առիթով, երկուշաբթի, թւականիս յունւարի 9-ին, Թեմիս Առաջնորդ գերշ. Տ. Սեպուհ Ս. Արք. Սարգսեանը Ազգ. Առաջնորդարանի դահլիճում ընդունեց Իսլ. Մշակոյթի եւ Առաջնորդութեան նախարարութեան մշակութային հարցերով տեղակալ դոկտ. Եասէր Ահմադվանդին եւ ընկերակցող պատւիրակութեանը:

Երկրում առաջին անգամը լինելով՝ «Բեհեշթ» անւամբ իւրայատուկ միջոցառում էր կազմակերպւել Սրբոց Վարդանանց եկեղեցու դահլիճում՝ նախաձեռնութեամբ Թեհրանի քաղաքապետարանի, համագործակցութեամբ՝ հանր. նախագահի գրասենեակի, նահանգապետարանի եւ համադրութեամբ ազգային իշխանութեան:

Նախաձեռնութեան նպատակն էր մօտիկից ծանօթանալ ժողովրդի խնդիրներին եւ այդ առումով միջոցառումը կոչւում էր՝ «Թեհրանի քաղաքապետարանի ծառայութեան սեղան»: